GALEGO MOLA. VIDEOCLIP

O Galego Mola

Este é un proxecto do Equipo de Normalización Lingüística do CEIP Virxe da Soidade coa participación dos alumnos de 3º, 4º, 5º e 6º de primaria. 
Se vos gusta dádelle un voto positivo. Podedes suscribiros ao nosa canle e ver tódolos contidos que próximamente imos facer.


            

CONCURSO DE CALIGRAMAS

            

O día 21 de Marzo coinciden dúas celebracións importantes, é o Día da Árbore e tamén é o Día Mundial da Poesía. Para celebrar ambalasdúas datas dende o EDLG e o Equipo da Biblioteca convócase un concurso para todo o alumnado de Eduación Primaria do CEIP Virxe da Soidade Concurso de Caligramas

Un CALIGRAMA é unha composición poética na que as palabras intentan representar un personaxe, animal, paisaxe o calquera obxecto.

Bases do concurso:

- Os traballos serán orixinais.

- O soporte no que farán os caloigramas será en folla tamaño A4. O nome do participante escribirase polo reverso da folla.

- O texto do caligrama ten que ser en lingua galega.

- O tema será relacionado coa data a celebrar: Día da Árbore e Día Mundial da Poesía.

- Os caligramas poderán ser en blanco e negro ou en cores.

Con todos os traballos farase unha exposición e elixiranse tres gañadores que recibirán premio.

A data final de entrega de traballos será o 21 de Marzo

AQUELES MARABILLOSOS ANOS

Este ano temos un proxecto conxunto de Biblioteca e Normalización Lingüística que traballaremos todos os cursos ao longo do ano. Chámase: "Aqueles marabillosos anos". 
É un traballo colaborativo entre os mestres, alumnos e pais. 
Cada mes adicarase a unha década que se vai a traballar no curso que lle corresponda:
Anos 20: Infantil de 3 anos
Anos 30: Infantil de 4 anos
Anos 40: Infantil de 5 anos
Anos 50: 1º curso de EP
Anos 60: 2º curso de EP
Anos 70: 3º curso de EP

Anos 80: 4º curso de EP
Anos 90: 5º curso de EP
1ª década do 2000: 6º curso de EP

Recolleremos a información máis destacada da época, inventos, descubrimentos, feitos históricos salientables, os costumes, a música, o cine, a moda, a publicidade, os xogos... 
  
OUTUBRO. Infantil 3 anos. OS ANOS 20

 

Aquí podedes ver o mural con máis detalle

NOVEMBRO. Infantil 4 anos. OS ANOS 30

              


Podedes ver máis imaxes aquí:

DECEMBRO. Infantil 5 anos. OS ANOS 40

              
No mural amósanse algúns dos feitos máis significativos desta década: A declaración universal dos dereitos humanos, o baby boom, o primeiro tractor que chegou a Galicia, os discos de vinilo, a moda dos 40, o cine con películas como Casablanca ou O gran dictador, a música, inventos, xogos e xoguetes... Os nenos e profes caracterizáronse de personaxes dos anos 40; tamén ilustrarosn algúns dos máis importantes dereitos humanos.

Aquí tedes unha presentación do mural 

                                                  
XANEIRO. 1º PRIMARIA. OS ANOS 50
             
Os alumnos de 1º curso traballaron os anos 50 e os seus acontecementos máis importantes, os personaxes máis destacados, o cine, a música, os inventos, a moda... fixeron un énfase especial na Declaración Universal dos Dereitos dos Nenos, que tivo lugar no ano 1955.
Os pais fixeron dous carteis cos inventos e acontecementos importantes. Tamén confeccionaron un caderno con información da escola nos anos 50. 

                                                     

Os alumnos de 1º xunto coa súa titora traballaron dou pintores que destacaron nesta década, o catalán Joan Miró e o estadounidense Jackson Pollock

                                                   
            

Os alumnos de 1º curso tamén traballaron a literatura desta década. Fixeron unha exposición de Merlín e Familia, obra do escritor Álvaro Cunqueiro, que foi publicada no ano 1955

Tamén confeccionaron un fermoso libro ilustrado a partires dun conto de Merlín e Familia titulado "O quitasol e o quitatebras": "Merlín e os paraugas"

FEBREIRO. 2º Primaria. OS ANOS 60

Os alumnos de 2º curso no mes de Febreiro traballaron os anos 60.
Fixeron un mural no que recolleron os acontecementos máis importante desta década a nivel mundial: a guerra de Vietnam, a construcción do muro de Berlín, a chegada do home á luna... Tamén traballaron cómo estaba Galicia nos anos 60 co drama da emigración, cómo eran as familias nesta década, a escola, os inventos máis destacados, os programas de TV, o cine, a música, a moda, a literatura, as costumes... e como non o movemento hippie. Xa que o Entroido é neste mes de Febreiro toda a clase recreou os anos 60 vestíndose de hippies.

OS ANOS 60 - Movie Maker

                                                               

                                                        

MARZO. 3º Primaria. OS ANOS 70

No mes de Marzo os alumnos de 3º curso traballaron os anos 70.
Esta foi unha década moi interesante xa que foi nos 70 cando se inaugurou o noso colexio, alá polo ano 1973. Unha das profesoras que comenzaron nesta década foi Lily, a mestra de infantil deste grupo de nenas e nenos que aparece no mural sendo entrevistada diante do colexio.
Esta foi unha década da infancia de moitos dos pais dos alumnos, por eso a súa colaboración foi importante, aportando información sobre o qué lían, a qué xogaban, as películas que vían, a música que escoitaban, así como outros acontecementos históricos desta década. Caracterizáronse como personaxes dos 70 os alumnos presentan dunha forma orixinal os distintos eidos da década: a moda, a escola, o cine, a tele, os inventos, os deportes e moito máis.
Na galería de fotos a continuación podedes ver o traballo dos alumnos de 4º e cómo eles ven os anos 70.
                                                        
Anos 70 - Video Maker                                                                    

                                                     

ABRIL. 4º Primaria. OS ANOS 80 

Mural dos anos 80. Esta foi unha década na que houbo música para todos os gustos Rock, Pop, Punk, Heavy Metal... da man de grandes artistas que fixeron historia e que os alumnos de 4º curso recordaron e recrearon: Michael Jackson, Tina Turner, Alaska... Tamén foi unha dácada de grandes películas cono Grase protagonizada por Olivia Newton John e John Travolta, Eduardo manos tijeras, Star wars... e películas infantiles como Popeye, Os Picapedra, Os Teleñecos, A Sereniña...  Foi a década na que a tecnoloxía comenzaba a entrar nas casas, o ordenador, o teléfono móbil o CD... tamén chegaron os postits e como non a Televisión de Galicia. Os alumnos tamén recordaron o accidente do transbordador espacial Challenger en 1986 que se desintegrou 73 segundos despois do seu lanzamento provocando a morte dos seu sete tripulantes.
                                                        

     

ANOS 80 - Movie Maker

VISITA DE XOANA A CASTAÑEIRA

           
O día do Magosto recibimos unha visita moi especial, ademáis dunha castaña xigante que apareceu no patio. Visitounos Xoana, a Castañeira, unha velliña de 82 anos que nos contou o conto da Castaña que estoupou de risa. Tamén nos falou do que é un ourizo, un castiñeiro, un souto... da súa vida nos seu anos mozos, e como non, das castañas.
Aquí tedes unha escolma de fotos da súa visita

This slideshow design personalized with Smilebox

Podedes visitar a páxina do CEIP Virxe da Soidade e ver todas as actividades que fixemos para celebrar o Magosto

http://www.edu.xunta.es/centros/ceipvirxesoidade/node/254

CANDO PECHAS OS OLLOS E PENSAS EN PAZ, QUE VES?

CANDO PECHAS OS OLLOS E PENSAS EN PAZ, QUE VES?

                                            
Este ano para celebrar o Día da paz e da non violencia cavilamos acerca de qué significa a paz para nos, e fixemos un exercicio de reflexión onde os alumnos dende 1º a 6º pensaron qué é o que realmente significa a paz para eles. Tiñan que pechar os ollos e pensar en momentos, circunstancias, persoas, lugares... que lles daban paz. Despois tiñan que describir nunha frase ese pensamento de paz e pegalo no mural. Aquí tedes o mural como quedou.

                                                              
CANDO PECHAS OS OLLOS E PENSAS EN PAZ, QUE VES? - foto montaje

Podedes ver este traballo tamén na asignatura de inglés así como outros traballos do Día da Paz na web co colecio das Gándaras

http://www.edu.xunta.es/centros/ceipvirxesoidade/node/271

GALEGO MOLA. PALABRAS EN GALEGO QUE ME MOLAN

Qué palabras molan do galego?  Esta actividade consiste nunha especie de "atrapapalabras" en galego, palabras que nos atopamos nos libros de texto, en novelas, que escoitamos na rúa, na casa... Trátase de recoller todas esas palabras que nos chaman a atención por descoñecidas, por como soan, polo seu significado ou por calquer outro motivo.
Os alumnos de 2º e 3º ciclo as recolleron e fóronas depositando nos cestiños das patacas do McDonals que colocamos nun taboeiro no corredor. 
Todos os alumnos dende 3º curso ata 6º participaron e as colocaron segundo dieferentes categorías como sentimentos, lugares, plantas... Os alumnos que participan con máis palabras  recibirán premio así como a clase máis participativa.

GALEGO MOLA PORQUE...

“GALEGO MOLA PORQUE..." é unha actividade do EDNL no que os participantes de 2º e 3º ciclo descubrirán motivos polo que o galego lles gusta. Cada curso teñen na súa clase un taco de postits de unha cor diferente. Os alumnos escriben nos postits as súas achegas ( por exemplo:…porque soa doce, …porque o fala meu avó, …porque é o máis musical… etc. ) pódenas facer na clase, no tempo de lecer, na casa coas súas familias e as pegarán no taboeiro do corredor que terá un cartel co lema do proxecto. 

No último trimestre elaborarase un videoclip musical coa participación dos alumnos que interviñeron no proxecto.

Aquí tedes como quedou de colorido o taboeiro coas achegas dos participantes. Hai motivos moi interesantes. Máis adiante publicarémolos todos.

BENVIDA AO CURSO

Con este mural na entrada do centro recibimos aos alumnos este ano, no inicio do curso 2013-14 dándolles a benvida.Eles son a razón pola que estamos aquí. Eles son os protagonistas. 

AS PALABRAS MÁIS FERMOSAS DO GALEGO

Os alumnos de 2º e 3º ciclo do CEIP Virxe da Soidade de Lugo elixiron as palabras mási fermosas do galego, dentro do proxecto GALEGO MOLA. Recollidas todas formamos un cartel cunha nube de palabras. Qué vos parecen? Molan, verdade?

ENTREGA DE PREMIOS CONCURSO GALEGO MOLA

Entrega de premios da actividade GALEGO MOLA, nos que os alumnos buscaron palabras en galego que lles gustaron ou lles chamaron a atención, con todas elas fíxose unha selección e elaborouse unha nube coas palabras elexidas. Esta actividade foi desenvolvida polo Equipo de Dinamización Lingüística.
Houbo premios para os alumnos que máis palabras aportaron e para o curso máis participativo, que foi 3º. Todos os participantes recibiron un agasallo.
Aquí podedes ver as fotos da entrega de premios aos participantes.