ANTÓN FRAGUAS FICHAS DIDÁCTICAS

Cultura popular é o conxunto de costumes e manifestacións artísticas dun colectivo que se transmiten de xeración en xeración.  Descarga aquí a ficha: Antonio Fraguas: O Tesouro da Cultura Popular(.pdf)

                                   
Con Antonio Fraguas aprendemos que para saber quen somos é fundamental coñecer de onde vimos.

Descarga aquí a ficha: Fraguas, eu, ti, todas…(.pdf)

Fraguas foi un dos grandes valedores da cultura popular, herdanza que cada xeración lle transmite á seguinte para axudarlle a interpretar o mundo.  Descarga aquí a ficha: A cultura máis próxima(.pdf)

Antonio Fraguas foi un galeguista, un defensor de Galicia e dos dereitos da súa cidadanía. Descarga aquí a ficha: O galeguismo, unha panca na historia(.pdf)

Un dos vellos soños do galeguismo era a creación dun museo que recóllese a singularidade cultural de Galicia.

Descarga aquí a ficha: O Museo do Pobo Galego(.pdf)

Imprime e colorea estas ilustracións inspiradas na vida e obra de Fraguas.

Antonio Fraguas: Letras Galegas 2019

Cada 17 de maio, na cerna da primavera, celebramos que en Galicia temos unha lingua e unha literatura propia. A través dela rememoramos o pasado, nomeamos o presente e construímos o futuro.

Descarga aquí a ficha: Primavera das Letras(.pdf)

                              ACTIVIDADES INTERACTIVAS PARA FACER EN REDE 

ANTÓN FRAGUAS. LETRAS GALEGAS 2019

"Eu traballei sempre por e para Galicia. Unhas veces acertei, outras non; pero en todo canto levo feito puxen sempre toda a miña ilusión, todo o pouco que sei, sen esperar nunca nada a cambio".

ANTONIO FRAGUAS__________________________________________________________________________________

A miña modesta obra non é máis que un pequeniño gran de area no montón que foron facendo todos aqueles que, de moi distintas maneiras e cadaquén ó seu xeito, traballaron ó longo dos anos, traballan agora e seguirán traballando arreo no futuro, sempre desinteresadamente, non máis que polo ben de Galicia. Por amor á nosa Terra.    (Antonio Fraguas Fraguas)

Antonio Fraguas (Loureiro, Cotobade, 1905 – Santiago de Compostela, 1999) é o protagonista do Día das Letras Galegas de 2019. A Real Academia Galega elixiu nesta ocasión un home que traballou arreo para difundir os tesouros que herdamos dos galegos e galegas que nos precederon: a lingua e a cultura popular. A súa vida é un exemplo de paixón polo coñecemento e polo país.

A semente do galeguismo agroma cedo no mozo Fraguas. Está rematando o bacharelato cando funda (1923) a Sociedade da Lingua, un colectivo impulsado xunto a compañeiros do instituto de Pontevedra co obxectivo de defender o galego e elaborar un dicionario. Un modesto proxecto nado desde as aulas que casualmente comparte obxectivos coa ambiciosa iniciativa que ese mesmo ano poñen en marcha un grupo de intelectuais galeguistas, o Seminario de Estudos Galegos (SEG). Entre os seus fundadores están Castelao e Antón Losada Diéguez, ambos profesores de Fraguas nesta etapa.

Pouco despois, xa como estudante universitario en Santiago, el mesmo se integrará tanto no SEG como nas Irmandades da Fala, nadas en 1916 para defender a presenza do galego en todos os eidos nunha época de fortes prexuízos na súa contra. Comezará así unha intensa e incansable actividade investigadora. Da xeografía á historia, pasando pola antropoloxía ou a arqueoloxía, serán ducias os libros e artigos en revistas e xornais como Nós ou A Nosa Terra, nos que Fraguas cultivará múltiples áreas do saber e tratará os máis variados temas. Cantigas, festas e romarías, crenzas, dicires, usos e costumes diversos foron obxecto do seu interese e exemplo dun dos campos de estudo onde máis pegada deixou: o da cultura labrega.

Á beira desa entusiasta e rigorosa actividade como investigador, Fraguas destacará por outra paixón: a docencia. Logo do seu paso como profesor auxiliar pola Universidade de Santiago de Compostela, será o alumnado do instituto da Estrada o que goce do seu labor pedagóxico. A súa expulsión das aulas públicas logo da guerra civil non o apartou dese traballo, xa que exerceu durante anos na súa propia academia privada ata que conseguiu o regreso oficial ás aulas en 1950 cando gañou unha praza de catedrático de instituto. Esa nova etapa iniciaríaa en Lugo para trasladarse no ano 1959 ao Instituto Rosalía de Castro de Santiago, onde será un profesor lembrado por sucesivas xeracións de compostelás ata a súa xubilación en 1975.

En todo ese tempo, e mesmo máis intensamente despois de xubilarse, non descansou da súa actividade investigadora, colaborando con entidades como o Instituto Padre Sarmiento ou a Real Academia Galega. De feito, esta institución recibiuno en 1956 para ocupar a que fora a cadeira de seu antigo mestre Castelao. Nomeado director do Museo Municipal de Santiago en Bonaval en 1963, en 1976 participará no impulso e creación dunha nova institución, o Museo do Pobo Galego, onde será director e presidente. Nos longos anos que aínda pasarán ata o seu falecemento en 1999, aos 93 anos de idade, Antonio Fraguas será un persoeiro de relevancia fundamental en Galicia e recibirá distincións como o Pedrón de Ouro, a Medalla Castelao, o Premio Trasalba, a Medalla ao Mérito Cidadán e Cultural do Concello de Santiago, o Premio de Investigación e o Premio das Letras e das Artes da Xunta de Galicia, ou o nomeamento de cronista xeral de Galicia.

Se queredes saber máis cousas da vida e a obra de Antonio Fraguas, podedes ler a biografía elaborada polo académico correspondente Clodio González Pérez para o sitio web da Real Academia Galega: www.academia.gal

MARÍA VICTORIA MORENO. GALEGA POR AMOR

María Victoria Moreno vista polos ollos dos seus achegados

                   

LÚA DE PRATA FUXAN OS VENTOS

Co gallo do Día das Letras Galegas, o grupo folk Fuxan os Ventos pon música ao poema "Lúa de Prata" da autora homenaxeada este ano 2018 María Victoria Moreno.


                           

BRINCALETRAS MARÍA VICTORIA MORENO

O ENTROIDO EN GALICIA

O Carnaval Galego chámase Entroido ou Antroido. Boteiros en Viana do Bolo, Pantallas en Xinzo de Limia, Peliqueiros en Laza, Volantes en Chantada e Xenerais no Val do Ulloa enchen de cores as rúas en Galicia. Queres saber un pouco máis do Entroido Galego?

Preme na foto e poderás acceder ás unidades didácticas e outras actividades recompiladas pola Coordinadora Galega de Equipos de Normalización.

PALABREIROS POLA PAZ

A  palabra como motor para a paz

Nais, alumnos e profesores do colexio das Gándaras de Lugo participamos nun proxecto internacional

   

                                                                 

Guerrilla de palabras. Oficio palabreira-palabreiro é un proxecto 
premiado por Ibermuseos polo cal universidades e museos de España e 
Colombia desenrolarán ao longo deste ano diversas accións artísticas e 
educativas para poñer en valor a posición da muller na resolución de 
conflitos armados, dando protagonismo ás voces femininas que 
traballan pola paz e mediando conflitos.

Ademáis de congresos e exposiciones, este proxecto internacional inclúe 
accions formativas que buscan a integración social e a visibilidade da 
muller, usando materiales didácticos en base ás palabras. Dende fai 
uns meses, por iniciativa dun grupo de profesoras do colexio Virxe da 
Soidade das Gándaras, as familias, os alumnos e as docentes 
desenvolveron diversos materiales didácticos, co apoio da Rede 
Museística Provincial da Diputación, para reflexionar sobre o concepto
de paz.
Co motivo do Diá da Paz, a comunidade educativa do centro con parte 
do seu alumnado de etnia xitana, acodimos ao Museo Provincial a expoñer 
algúns dos traballos que desenrolamos nas aulas e os que fixeron coas 
súas familias nas casas.

Lleva por título Paz é nome de muller. As nais e pais tiveron que 
elixir diversas palabras que logo se seleccionaron en función do seu 
significado  e inscribiron en diferentes soportes (avions de papel, 
pedras, moliniños de vento o cascabeis) que foron lanzados o 
instalados onte 30 de xaneiro no xardín do Museo lucense.